ఐబీఎస్ నివారణకు మంచి అలవాట్లు... ఇది చదవండి!
- ఐబీఎస్ లక్షణాల నియంత్రణకు డైట్ మార్పులు కీలకం
- బెర్రీలు, సిట్రస్ పండ్లు తినడం మేలు
- లాక్టోజ్-ఫ్రీ పాలు, పెరుగు, టోఫు వంటివి సురక్షితం
- క్వినోవా, ఓట్స్ వంటి గ్లూటెన్-ఫ్రీ ధాన్యాలు తినవచ్చు
నిపుణులు సూచిస్తున్న ప్రధాన ఆహారాలు:
బెర్రీలు, సిట్రస్ పండ్లు: స్ట్రాబెర్రీ, బ్లూబెర్రీ వంటి పండ్లను పరిమితంగా తీసుకోవడం వల్ల వాటిలోని ఫైబర్, పాలీఫెనాల్స్ ఉబ్బరాన్ని తగ్గించి జీర్ణక్రియకు సాయపడతాయి. అలాగే, తక్కువ ఫాడ్మ్యాప్ ఉండే నారింజ, నిమ్మ వంటి సిట్రస్ పండ్లు కూడా సురక్షితం.
ఫర్మ్ టోఫు: మొక్కల ఆధారిత ప్రోటీన్ కోసం ఇది ఒక మంచి ఎంపిక. ముఖ్యంగా ఫర్మ్ టోఫులో ఫాడ్మ్యాప్లు తక్కువగా ఉండటంతో ఇది సులభంగా జీర్ణమవుతుంది.
లాక్టోజ్-ఫ్రీ మిల్క్: పాలు, పాల ఉత్పత్తులు పడని వారికి లాక్టోజ్ లేని పాలు, పెరుగు మంచి ప్రత్యామ్నాయాలు. ఇవి కాల్షియం, ప్రోటీన్లను అందిస్తూనే గ్యాస్, ఉబ్బరం వంటి సమస్యలను నివారిస్తాయి.
క్వినోవా: ఇది గ్లూటెన్-ఫ్రీ, ఫైబర్ అధికంగా ఉండే సంపూర్ణ ధాన్యం. జీర్ణవ్యవస్థను మెరుగుపరిచి మలబద్ధకాన్ని నివారిస్తుంది. క్వినోవాతో పాటు ఓట్స్, బియ్యం కూడా తీసుకోవచ్చు.
ఇతర చిట్కాలు: ఈ ఆహారాలతో పాటు, సరైన సమయానికి భోజనం చేయడం, ఒత్తిడి తగ్గించుకోవడం, తగినంత నిద్రపోవడం, రోజూ సరిపడా నీరు తాగడం వంటివి కూడా ఐబీఎస్ లక్షణాల నియంత్రణకు సహాయపడతాయి. అయితే, ప్రతి ఒక్కరి శరీరం భిన్నంగా స్పందిస్తుంది కాబట్టి, ఆహారంలో పెద్ద మార్పులు చేసే ముందు తప్పనిసరిగా వైద్యులను లేదా డైటీషియన్ను సంప్రదించడం ఉత్తమం. వారి సలహా మేరకు వ్యక్తిగత డైట్ ప్లాన్ రూపొందించుకోవడం వల్ల మంచి ఫలితాలు ఉంటాయి.
