'బైకర్' గురించి మంచి వార్తలు వినిపిస్తున్నాయి: రామ్ చరణ్

గ్లోబల్ స్టార్ రామ్ చరణ్ 'బైకర్' చిత్రంపై ప్రశంసల వర్షం కురిపించారు. సినిమా మంచి విజయం సాధించడం పట్ల సంతోషం వ్యక్తం చేస్తూ చిత్ర బృందానికి సోషల్ మీడియా వేదికగా అభినందనలు తెలిపారు. విభిన్నమైన కథాంశంతో వస్తున్న ఈ సినిమా గురించి అద్భుతమైన విషయాలు వింటున్నానని ఆయన పేర్కొన్నారు.

"'బైకర్' సినిమా గురించి చాలా అద్భుతమైన విషయాలు వింటున్నాను. ఈ చిత్రం ఇంతటి విజయం సాధించడం చూస్తుంటే నాకు చాలా సంతోషంగా ఉంది.

ఒక విభిన్నమైన కథను ఎంతో నమ్మకంతో స్వీకరించి, ఎక్కడా రాజీ పడకుండా భారీ స్థాయిలో నిర్మించినందుకు యూవీ క్రియేషన్స్‌కు హ్యాట్సాఫ్ చెప్పాలి. ఇది నిజంగా ప్రశంసించదగ్గ విషయం. నా ప్రియ మిత్రుడు శర్వానంద్ నటనకు ప్రేక్షకుల నుంచి ఇంతటి ప్రేమ లభిస్తున్నందుకు నాకు చాలా ఆనందంగా ఉంది. అలాగే, రాజశేఖర్ గారి పాత్రకు కూడా అద్భుతమైన స్పందన వస్తోందని వినడం సంతోషాన్నిచ్చింది.

ఇలాంటి ఒక ప్రత్యేకమైన ప్రయత్నం చేసిన దర్శకుడు అభిలాష్ కంకరను ప్రత్యేకంగా మెచ్చుకోవాలి. ఈ గొప్ప విజయం సందర్భంగా నిర్మాతలు వంశీ, ప్రమోద్, విక్రమ్‌లతో పాటు మొత్తం చిత్ర బృందానికి నా హృదయపూర్వక అభినందనలు. వీలైనంత త్వరగా ఈ సినిమాను చూడాలని ఎదురు చూస్తున్నాను" అంటూ రామ్ చరణ్ తన ట్వీట్ లో పేర్కొన్నారు.