యూకేలో బీఆర్ఎస్ పార్టీ అధికార ప్రతినిధిగా కోట్ల సాయిబాబా

ఆమనగల్లు మండలం శెట్టిపల్లి గ్రామానికి చెందిన ప్రవాస భారతీయుడు కోట్ల సాయిబాబాకు బీఆర్ఎస్‌ ఎన్ఆర్ఐ విభాగంలో కీలక పదవి లభించింది. ఎన్ఆర్ఐ బీఆర్ఎస్ యూకే నూతన కార్యవర్గాన్ని శనివారం ఎన్నుకున్నారు. ఈ క్రమంలో సాయిబాబా పార్టీ యూకే విభాగం అధికార ప్రతినిధిగా, నార్త్ ఇంగ్లాండ్ ఇన్ చార్జిగా, సోషల్ మీడియా కన్వీనర్‌గా నియమితులయ్యారు. 
 
ఈ సందర్భంగా సాయిబాబా స్పందిస్తూ.. తనపై నమ్మకంతో ఈ పదవులు ఇచ్చినందుకు బీఆర్ఎస్ ఎన్ఆర్ఐ సెల్ కోఆర్డినేటర్ మహేశ్ బిగాల, ఎన్ఆర్ఐ బీఆర్ఎస్ విభాగం వ్యవస్థాపక అధ్యక్షుడు అనిల్ కూర్మచలంకు కృతజ్ఞతలు తెలియజేశారు.