'దేవర'లో విలన్ సైఫ్ అలీ ఖాన్.. ఫస్ట్ లుక్ షేర్ చేసిన జూనియర్ ఎన్టీఆర్
- ఎన్టీఆర్, కొరటాల శివ కాంబినేషన్లో 'దేవర'
- తారక్ సరసన నటిస్తున్న జాన్వీ కపూర్
- సైఫ్ పుట్టినరోజు సందర్భంగా ఫస్ట్ లుక్ విడుదల
యంగ్ టైగర్ ఎన్టీఆర్, దర్శకుడు కొరటాల శివ కాంబినేషన్లో వస్తున్న పాన్ ఇండియా చిత్రం 'దేవర' మేనియా అప్పుడే అభిమానుల్లో మొదలయింది. ఈ చిత్రంలో తారక్ సరసన జాన్వీ కపూర్ నటిస్తోంది. మరోవైపు ఈ చిత్రంలో ప్రతినాయక పాత్రలో బాలీవుడ్ స్టార్ సైఫ్ అలీ ఖాన్ నటిస్తున్నారు. ఈ రోజు సైఫ్ పుట్టినరోజు సందర్భంగా ఈ చిత్రంలోని ఆయన లుక్ ను విడుదల చేశారు. ఎన్టీఆర్ చేతుల మీదుగా లుక్ ను విడుదల చేశారు. ఈ లుక్ లో లాంగ్ హెయిర్ తో సైఫ్ డిఫరెంట్ గా కనిపిస్తున్నాడు. ఈ చిత్రంలో సైఫ్ పాత్ర పేరు 'భైరా' అని మేకర్స్ తెలిపారు. ఈ సినిమాను ఎన్టీఆర్ ఆర్ట్స్, యువసుధ ఆర్ట్స్ సంయుక్తంగా నిర్మిస్తున్నాయి. అనిరుధ్ సంగీతాన్ని అందిస్తున్నారు. మరోవైపు సైఫ్ లుక్ ను షేర్ చేసిన జూనియర్ ఎన్టీఆర్... 'హ్యాపీ బర్త్ డే సైఫ్ సార్' అని ట్వీట్ చేశారు.