ఎన్టీఆర్ జిల్లాలో 77 అడుగుల మహేంద్ర సింగ్ ధోనీ కటౌట్ ఏర్పాటు

మహేంద్ర సింగ్ ధోనీ అభిమానులు నందిగామలో భారీ కటౌట్ ను ఏర్పాటు చేశారు. విజయవాడ - హైదరాబాద్ జాతీయ రహదారిపై ఎన్టీఆర్ జిల్లా నందిగామ మండలం అంబారుపేట గ్రామం వద్ద రేపు ధోనీ 44వ జన్మదినాన్ని పురస్కరించుకొని 77 అడుగుల భారీ కటౌట్ ను ఏర్పాటు చేశారు. ఈ కటౌట్ ఆ రహదారిపై నుండి వెళ్తున్న వారిని ఆకట్టుకుంటోంది. ఈ సందర్భంగా ఓ అభిమాని మాట్లాడుతూ... రెండు తెలుగు రాష్ట్రాల అభిమానులం కలిసి పెద్ద ఎత్తున వేడుకలు నిర్వహిస్తున్నట్లు చెప్పాడు. తెలంగాణలో ఇప్పటికే 52 అడుగుల భారీ కటౌట్ ఏర్పాటు చేశామని, ఇక్కడ 77 అడుగులది పెట్టామన్నాడు. తాము ధోనీపై అభిమానంతో ఇదంతా చేస్తున్నామన్నాడు.