'భీష్మ' దర్శకుడికి మెగాస్టార్ గ్రీన్ సిగ్నల్!

చిరంజీవి ఇటీవల కాలంలో వరుస సినిమాలను ఒప్పేసుకుంటూ వెళుతున్నారు. కంటెంట్ బాగుంటే చాలు ఆయన యువ దర్శకులకు కూడా ఓకే చెప్పేస్తున్నారు. దాంతో ఆయనను కలిసే యంగ్ డైరెక్టర్ల జాబితా పెరుగుతూ పోతోంది. ఈ నేపథ్యంలో ఇటీవల వెంకీ కుడుముల కూడా ఆయనకి ఒక కథను వినిపించినట్టుగా వార్తలు వచ్చాయి.

ఆయన వినిపించిన ఆ కథకి మెగాస్టార్ గ్రీన్ సిగ్నల్ ఇచ్చారనేది తాజా సమాచారం. డీవీవీ దానయ్య ఈ సినిమాను నిర్మించనుండగా, ఒక ముఖ్యమైన పాత్రలో వరుణ్ తేజ్ కూడా కనిపించనున్నట్టు చెబుతున్నారు. ఆల్రెడీ ప్రీ ప్రొడక్షన్ పనులు మొదలయ్యాయని అంటున్నారు. విభిన్నమైన కాన్సెప్ట్ తో ఈ సినిమా నిర్మితమవుతుందని చెబుతున్నారు.

'ఛలో' .. 'భీష్మ'  హిట్లతో యూత్ నుంచి మంచి మార్కులను కొట్టేసిన వెంకీ కుడుముల, మూడో సినిమానే చిరంజీవితో చేసే ఛాన్స్ కొట్టేయడం విశేషం. వచ్చే ఏడాదిలో ఈ ప్రాజెక్టు సెట్స్ పైకి వెళ్లనుందని అంటున్నారు. ఇటీవల 'గాడ్ ఫాదర్' సినిమాను సెట్స్ పైకి తీసుకెళ్లిన చిరంజీవి, 'భోళా శంకర్' .. 'వాల్తేర్ వీర్రాజు' ప్రాజెక్టులను పట్టాలెక్కించిన సంగతి తెలిసిందే.