అంగరంగ వైభవంగా జరిగిన నిహారిక-చైతన్యల వివాహం

సినీ నటుడు నాగబాబు కుమార్తె నిహారిక వివాహం వేద మంత్రాల మధ్య అంగరంగ వైభవంగా జరిగింది. చైతన్య జొన్నలగడ్డ ఆమె మెడలో మూడు ముళ్లు వేశారు. అనంతరం వధూవరులిద్దరూ ఏడడుగులు వేశారు. రాజస్థాన్ లోని ఉదయ్ పూర్ లో ఉన్న ఉదయ్ విలాస్ లో వీరి వివాహ వేడుక జరిగింది.

మెగాస్టార్ చిరంజీవి, జనసేనాని పవన్ కల్యాణ్, నాగబాబు, అల్లు అరవింద్ తదితరులు వధూవరులను ఆశీర్వదించారు. వీరి పెళ్లి ఫొటోలు సోషల్ మీడియాలో వైరల్ అవుతున్నాయి. కొత్త దంపతులకు నెటిజన్లు శుభాకాంక్షలు తెలుపుతున్నారు.