మద్యం దుకాణం ముందు యువతులు క్యూలో నిలబడిన ఫొటోను పోస్టు చేసిన వర్మ

సుదీర్ఘ విరామం తర్వాత ఇవాళ దేశవ్యాప్తంగా మద్యం దుకాణాలు తెరుచుకున్నాయి. దాంతో ఏ వైన్ షాపు ముందు చూసినా భారీ క్యూలైన్లు దర్శనమిచ్చాయి. అయితే, కర్ణాటకలో ఓ మద్యం దుకాణం ముందు జీన్స్ ప్యాంట్లు ధరించి ఆధునికంగా ఉన్న అమ్మాయిలు కూడా క్యూలో ఉండడం విస్తుగొలుపుతోంది. ఈ ఫొటోను దర్శకుడు రామ్ గోపాల్ వర్మ ట్విట్టర్ లో పంచుకున్నారు. మద్యం దుకాణం ముందు లైన్లో ఎవరు నిలుచుని ఉన్నారో చూడండి అంటూ ట్వీట్ చేశారు. అబ్బో, తాగుబోతుల నుంచి మహిళలను రక్షించడానికి ఎంతో చేస్తున్నాం అంటూ వ్యంగ్యం ప్రదర్శించారు.