కేంద్ర మార్గదర్శకాలకు అనుగుణంగా సడలింపులు ఉంటాయి: ఈటల

తెలంగాణ వైద్య, ఆరోగ్య శాఖ మంత్రి ఈటల రాజేందర్ మీడియా ప్రతినిధులు అడిగిన ప్రశ్నకు సమాధానమిస్తూ, రాష్ట్రంలో కేంద్రం మార్గదర్శకాలకు అనుగుణంగా సడలింపులు ఉంటాయని స్పష్టం చేశారు. గ్రీన్ జోన్లలో వ్యవసాయ కార్యకలాపాలకు అడ్డంకుల్లేవని తెలిపారు. 6 జిల్లాలు రెడ్ జోన్ లో ఉన్నాయని, వాటి మినహా ఎలాంటి సడలింపులు ఉండాలన్నదీ సీఎం కేసీఆర్ క్యాబినెట్ సమావేశంలో చర్చిస్తారని ఈటల వివరించారు. మరో ప్రశ్నకు సమాధానమిస్తూ, రవాణా విషయంలో భారత ప్రభుత్వమే కొంత సడలింపు ఇచ్చిందని, ఏ రాష్ట్రం కూడా రవాణాను ఆపొద్దంటూ స్పష్టం చేసిందని అన్నారు. అందుకు అనువుగానే తెలంగాణ రాష్ట్రంలోనూ రవాణా కొనసాగుతుందని తెలిపారు.