‘ఏ బిగ్ హగ్’ అంటూ సంతోషం వ్యక్తం చేసిన హీరో మహేశ్ బాబు
- ‘సరిలేరు నీకెవ్వరు’ విడుదలై యాభై రోజులు
- చిత్రయూనిట్ ను అభినందిస్తూ మహేశ్ ట్వీట్
- నటి విజయశాంతి, హీరోయిన్ రష్మిక కు ట్యాగ్ చేసిన మహేశ్
అనిల్ రావిపూడి దర్శకత్వంలో రూపొందిన ‘సరిలేరు నీకెవ్వరు‘ చిత్రం విడుదలై 50 రోజులు పూర్తయింది. ఈ సందర్భంగా హీరో మహేశ్ బాబు సంతోషం వ్యక్తం చేశాడు. ఈ చిత్రం ద్వారా తనకు బ్లాక్ బస్టర్ హిట్ ఇచ్చిన దర్శకుడు అనిల్ రావిపూడి, నిర్మాత అనిల్ సుంకరలకు ‘ఏ బిగ్ హగ్’, చిత్రయూనిట్ కు ‘థ్యాంక్స్’ తెలుపుతున్నానని అన్నాడు. చాలా గ్యాప్ తర్వాత ఈ చిత్రం ద్వారా మళ్లీ నటించిన నటి విజయశాంతి, హీరోయిన్ రష్మిక, డీవోపీ రత్నవేలు, నటుడు ప్రకాశ్ రాజ్, సంగీత దర్శకుడు దేవీశ్రీప్రసాద్ లకు మహేశ్ ట్యాగ్ చేశాడు.