ఆ హీరో వచ్చి నా తలపై పడ్డాడు: సీనియర్ హీరోయిన్ జమున

తెలుగు తెరపై అలనాటి అందాల చందమామగా జమునకి పేరు వుంది. తాజా ఇంటర్వ్యూలో ఆమె మాట్లాడుతూ, తనకి హెడ్ షేక్ రావడానికి గల కారణాన్ని గురించి ప్రస్తావించారు. "ఏవీఎమ్ నా మాతృ సంస్థ వంటిది. ఆ బ్యానర్లో నేను 14 సినిమాల వరకూ చేశాను. తెలుగులోని 'లేత మనసులు' సినిమాను తమిళంలో తీస్తున్నారు. ఆ రోజున 'అందాల ఓ చిలుక .. ' పాటను తమిళంలో చిత్రీకరిస్తున్నారు.

హీరో జయశంకర్ .. హరనాథ్ మాదిరిగానే పొడగరి .. అంతకంటే బలంగా ఉండేవారు. ఈ పాటలో ఆయన 'గడ్డివాము' పై నుంచి జారుతూ వచ్చి నా ఒళ్లో వాలిపోవాలి. రిహార్సల్స్ సమయంలో బాగానే చేశారు. టేక్ చేసేటప్పుడు అయన నేరుగా వచ్చి నా తలపై పడ్డారు. ఆ సమయంలో తల చాలా నొప్పిగా అనిపించింది. కొంతకాలం తరువాత హెడ్ షేక్ కావడమనే సమస్య బయటపడింది" అని చెప్పుకొచ్చారు.