ఏపీ ఎన్నికల అధికారి ద్వివేదీ బదిలీ...ఆయన స్థానంలో విజయానంద్ నియామకం
- ఉత్తర్వులు తక్షణం అమల్లోకి వస్తాయని స్పష్టం చేసిన సీఈసీ
- ప్రస్తుతం జెన్కో సీఎండీగా ఉన్న విజయానంద్
- 1992లో ఆదిలాబాద్ జిల్లా ఉట్నూరు సబ్ కలెక్టర్గా ఉద్యోగ జీవితం
ఆంధ్రప్రదేశ్ ఎన్నికల అధికారి గోపాలకృష్ణ ద్వివేదీని కేంద్ర ఎన్నికల సంఘం బదిలీ చేసింది. ఆయన స్థానంలో ఏపీ క్యాడర్కు చెందిన విజయానంద్ను నియమిస్తూ ఈరోజు ఉత్తర్వులు జారీ చేసింది. ఈ ఉత్తర్వులు తక్షణం అమల్లోకి వస్తాయని స్పష్టం చేసింది. ప్రస్తుతం కావేటి విజయానంద్ ఏపీ జెన్కో సీఎండీగా వ్యవహరిస్తున్నారు. 1992లో ఉమ్మడి ఆంధ్రప్రదేశ్లోని ఆదిలాబాద్ జిల్లా ఉట్నూరు సబ్ కలెక్టర్గా విజయానంద్ తన ఉద్యోగ జీవితాన్ని ప్రారంభించారు.
