ఊటీలో 250 అడుగుల లోయలో పడిన కారు: ఐదుగురి దుర్మరణం
- మరో ముగ్గురికి తీవ్రగాయాలు
- ఊటీకి 24 కిలోమీటర్ల దూరంలో ఘటన
- బాధితులంతా చెన్నైవాసులు
ఊటీకి 24 కిలోమీటర్ల దూరంలోని 250 అడుగుల లోయలో కారు పడిపోయిన ఘటనలో ఐదుగురు దుర్మరణం చెందగా మరో ముగ్గురు తీవ్రగాయాలపాయ్యారు. చెన్నైకి చెందిన ఎనిమిది మంది స్నేహితులు టూర్లో భాగంగా ఊటీ పరిసరాల సందర్శనకు వెళ్తుండగా ఈ ఘటన జరిగినట్లు భావిస్తున్నారు. తీవ్రంగా గాయపడిన వారిని కోయంబత్తూరులోని ఆస్పత్రికి హుటాహుటిన తరలించారు. వీరి పరిస్థితి విషమంగా ఉందని సమాచారం. ఘటనపై పోలీసు కేసు నమోదుచేసి దర్యాప్తు చేస్తున్నారు.
