నిమజ్జనంలో మరో అపశ్రుతి... విధులు నిర్వహిస్తూ పోలీసు మృతి!

వినాయక నిమజ్జనంలో మరో అపశ్రుతి చోటు చేసుకుంది. హైదరాబాద్ లో ప్రత్యేక బందోబస్తు విధుల్లో పాల్గొనేందుకు వచ్చిన ఓ అసిస్టెంట్ సబ్ ఇనస్పెక్టర్ గుండెపోటుతో మరణించారు. సిద్దిపేట జిల్లా కొమరవెల్లిలో ఏఎస్ఐగా పనిచేస్తున్న నీమా నాయక్ ను, భాగ్యనగర్ గణేష్ నిమజ్జనంలో బందోబస్తు విధులకు నియమించారు. ఈ ఉదయం డ్యూటీ చేస్తున్న ఆయనకు అకస్మాత్తుగా గుండెపోటు వచ్చింది. హుటాహుటిన ఆసుపత్రికి తరలించగా, చికిత్స పొందుతూ నీమా నాయక్ ప్రాణాలు వదిలారు. ఆయన మృతికి సంతాపం తెలుపుతున్నామని, నీమా నాయక్ కుటుంబాన్ని ఆదుకుంటామని ఉన్నతాధికారులు ప్రకటించారు.