నేడు పెళ్లి... నిన్నటి నుంచి వరుడి అదృశ్యం... విజయవాడలో ఆగిన వివాహం!

మరికొన్ని గంటల్లో పెళ్లి చేసుకోవాల్సిన ఓ వరుడు అదృశ్యం కావడంతో విజయవాడలో ఓ పెళ్లి ఆగిపోయింది. మరిన్ని వివరాల్లోకి వెళితే, విజయవాడ, చిట్టినగర్, గొల్లపాలెం గట్టు ప్రాంతానికి చెందిన రియల్ ఎస్టేట్ వ్యాపారి పసుపులేటి కృష్ణారావు, రెండో కుమారుడు నాగేంద్రబాబుకు, పాత రాజరాజేశ్వరీ పేటకు చెందిన ఓ యువతితో పెళ్లి నిశ్చయమైంది.

గురువారం నాడు శుభముహూర్తం ఉందని పండితులు నిశ్చయించడంతో పెళ్లి ఏర్పాట్లు జరిగిపోయాయి. ఈ క్రమంలో బుధవారం నాడు శుభలేఖలను పంచి వస్తానని వెళ్లిన నాగేంద్ర, ఆపై తిరిగి రాలేదు. రాత్రి వరకూ వేచి చూసిన తల్లిదండ్రులు కొత్తపేట పోలీసులకు ఫిర్యాదు చేశారు. కేసు నమోదు చేసిన పోలీసులు, నాగేంద్ర సెల్ నంబర్ ఆధారంగా ఎంక్వయిరీ ప్రారంభించారు.