హైదరాబాద్ లో యువతిపై రౌడీషీటర్ అత్యాచారం

హైదరాబాద్ లో ఓ యువతిపై రౌడీ షీటర్ అమీర్ అత్యాచారానికి పాల్పడ్డాడు. పోలీసులు తెలిపిన వివరాల ప్రకారం, వారాసిగూడ పరిధిలోని అంబర్ నగర్ లో ఉంటున్న ఓ యువతిపై అమీర్ ఈ దారుణానికి పాల్పడ్డాడు. అడ్డుకోబోయిన యువతి తల్లిపై రౌడీషీటర్ దాడి చేయడంతో ఆమె తీవ్రంగా గాయపడింది. బాధిత యువతి కుటుంబానికి చెందిన పెంపుడు శునకంపై కూడా అతను దాడి చేశాడు.

 స్థానికుల సాయంతో బాధిత యువతి చిలకలగూడ పోలీస్ స్టేషన్ కు వెళ్లి రౌడీషీటర్ పై ఫిర్యాదు చేసింది. సదరు యువతిపై రౌడీ షీటర్ మూడు రోజుల పాటు అత్యాచారం చేశాడని, నిందితుడి కోసం గాలిస్తున్నట్టు చెప్పారు. కాగా, తనపై పెట్టిన కేసు వాపసు తీసుకోకపోతే చంపేస్తానంటూ బాధిత యువతిని ఫోన్ లో బెదిరించినట్టు సమాచారం.