'రంగస్థలం' ట్రైలర్, సాంగ్ పై రామ్ గోపాల్ వర్మ స్పందన!

రామ్ చరణ్ తేజ్, సమంత, దర్శకుడు సుకుమార్ కాంబినేషన్లో వస్తున్న 'రంగస్థలం' సినిమాపై భారీ అంచనాలు ఉన్నాయి. ఇప్పటికే ఈ సినిమాకు సంబంధించిన ట్రైలర్, సాంగ్ విడుదల కాగా... అభిమానుల నుంచి భారీ స్పందన వచ్చింది. తాజాగా దర్శకుడు రామ్ గోపాల్ వర్మ దీనిపై స్పందించారు. ఈ సినిమా ట్రైలర్ తనకు ఎంతో నచ్చిందని ఆయన తెలిపారు. చిత్ర యూనిట్ విడుదల చేసిన సాంగ్ ఈ సినిమాను మరో లెవెల్ కు తీసుకెళ్లిందని చెప్పారు. పాట రాసిన బోస్ కు మిలియన్ ఛీర్స్ అంటూ ట్వీట్ చేశారు. అద్భుతమైన సంగీతాన్ని అందించిన దేవిశ్రీ ప్రసాద్ ను కూడా అభినందించారు.