మరో మెగా హీరో సరసన మెహరీన్!

నాని నటించిన 'కృష్ణగాడి వీర ప్రేమగాథ' సినిమాతో ముద్దుగుమ్మ మెహరీన్ టాలీవుడ్ కు పరిచయం అయింది. ప్రారంభంలో కెరీర్ కొంచె నెమ్మదిగా సాగినప్పటికీ... ప్రస్తుతం వరుస సినిమాలతో ఆమె బిజీ అయిపోయింది. గత ఏడాది 'రాజా ది గ్రేట్', 'మహానుభావుడు' సినిమాలతో హిట్లు అందుకుంది. మెగా హీరో సాయి ధరమ్ తేజ్ సరసన 'జవాన్' చిత్రంలో నటించింది.

ఇప్పుడు తాజాగా మరో మెగా హీరోతో జత కట్టబోతోంది. వెంకటేశ్, వరుణ్ తేజ్ లు హీరోలుగా అనిల్ రావిపూడి ఓ సినిమాను తెరకెక్కిస్తున్నాడు. ఇందులో వరుణ్ సరసన మెహరీన్ నటించనుంది. ఈ సినిమాకు 'ఎఫ్ 2' అనే పేరును ఖరారు చేశారు. దిల్ రాజు ఈ సినిమాను నిర్మిస్తున్నాడు.