ధోనీ ధరించిన జెర్సీ-7కి వీడ్కోలు పలకండి: మాజీ ఆటగాడు సాబా కరీమ్

టీమిండియా మాజీ కెప్టెన్ ఎంఎస్ ధోనీ జెర్సీ నంబర్-7ను ధరించిన సంగతి తెలిసిందే. జెర్సీ-7కు వీడ్కోలు పలకాలని టీమిండియా మాజీ ఆటగాడు సాబా కరీమ్ అన్నారు. మరి కొందరు దిగ్గజాలు ధరించిన జెర్సీలకు కూడా ఇదే గౌరవాన్ని ఇవ్వాలని అన్నారు. భారత క్రికెట్ దిగ్గజాలు ధరించిన జెర్సీ నంబర్లను ఇతర ఆటగాళ్లు వాడకుండా చూడాలని చెప్పారు. మన దేశ క్రికెట్ ను ముందుకు తీసుకెళ్లిన దిగ్గజాలకు ఇదొక గుర్తింపని అన్నారు.

క్రికెట్ కు దూరమైనా యువకులకు మార్గనిర్దేశం చేయగల సత్తా ధోనీకి ఉందని సాబా కరీమ్ చెప్పారు. కుర్రాళ్లకు దారి చూపే దీపం మహీ అని అన్నారు. చెన్నై సూపర్ కింగ్స్ తరపున ఎందరో యువకులను ధోనీ తీర్చిదిద్దాడని కొనియాడారు. భారత క్రికెట్ కు కూడా ధోనీ తన సేవలను అందిస్తాడని భావిస్తున్నానని అన్నారు. రాష్ట్ర స్థాయిలో కూడా కుర్రాళ్లకు ధోనీ మార్గనిర్దేశం చేయాలని... అలాగైతే భారత క్రికెట్ కు మంచి భవిష్యత్తు ఉంటుందని చెప్పారు.