రియల్ హీరో సోనూ సూద్ త్వరగా కోలుకోవాలన్న చంద్రబాబు

ఆపన్నుల పాలిట రక్షకుడిగా కీర్తిప్రతిష్ఠలు పొందిన నటుడు సోనూ సూద్ కరోనా బారినపడడం తెలిసిందే. తనకు కరోనా పాజిటివ్ వచ్చిందని సోనూ ఓ ప్రకటనలో వెల్లడించారు. దాంతో ఆయన ఆరోగ్యవంతుడవ్వాలని దేశవ్యాప్తంగా ప్రార్థనలు వెల్లువెత్తుతున్నాయి. ఈ క్రమంలో టీడీపీ అధినేత చంద్రబాబునాయుడు కూడా స్పందించారు.

మన రియల్ హీరో సోనూ సూద్ కరోనా నుంచి త్వరగా, పూర్తిగా కోలుకోవాలంటూ దేశవ్యాప్తంగా ఆకాంక్షిస్తున్న ప్రజలతో తాను కూడా జత కలుస్తున్నానని చంద్రబాబు పేర్కొన్నారు. సోనూ సూద్ ఆరోగ్యవంతుడవ్వాలని ప్రార్థిస్తున్నానని తెలిపారు. కాగా, చంద్రబాబు సందేశం పట్ల సోనూ సూద్ వినమ్రంగా స్పందించారు. 'థాంక్యూ సో మచ్ సర్' అంటూ ట్విట్టర్ వేదికగా బదులిచ్చారు.