అంగారకుడి తొలి చిత్రాన్ని పంపించిన 'హోప్'!

యూఏఈ (యునైటెడ్ అరబ్ ఎమిరేట్స్) అంగారకుడి కక్ష్యలో ప్రవేశపెట్టిన వ్యోమనౌక 'హోప్' తన తొలి చిత్రాన్ని పంపించింది. అంగారకుడిపై ఉన్న 'ఒలింపస్' భారీ అగ్ని పర్వతాన్ని తన కెమెరాలో బంధించింది. ఈ నెల 10న మార్స్ ఉపరితలానికి 24,700 కిలోమీటర్ల ఎత్తు నుంచి ఈ చిత్రాన్ని వ్యోమనౌక తీసిందని యూఏఈ అంతరిక్ష సంస్థ పేర్కొంది. ఇక ఈ చిత్రాన్ని తన ట్విట్టర్ ఖాతాలో విడుదల చేసిన దుబాయ్ రాజు షేక్ మహ్మద్ బిన్ రషీద్ అల్ మఖ్తూమ్, అంతరిక్ష పరిశోధనల్లో తమ దేశం మరో మెట్టు ఎదిగిందని అన్నారు.