సినిమా ప్రొడక్షన్ లోకి కాజల్ భర్త?

కథానాయికగా తను ఇంకా ఫామ్ లో ఉండగానే.. తన ప్రియుడు గౌతమ్ కిచ్లూని కాజల్ అగర్వాల్ ఇటీవల పెళ్లాడిన సంగతి విదితమే. కొవిడ్ కారణంగా పెళ్లి వేడుకను సింపుల్ గా చేసుకున్నప్పటికీ, ఆ వెంటనే చక్కగా హనీమూన్ కి వెళ్లి ఎంజాయ్ చేసి వచ్చింది. ఈమధ్యే కొన్ని రోజులు 'ఆచార్య' షూటింగులో పాల్గొన్న ఈ ముద్దుగుమ్మ.. భర్తను వెంట తీసుకొచ్చి, అందరికీ పరిచయం చేసింది. ఇక షూటింగ్ షెడ్యూల్ పూర్తవడంతో తాజాగా ముంబై వెళ్లిపోయింది.

ఇదిలావుంచితే, భర్తని కూడా తన సినిమా ఫీల్డులోకి దింపడానికి అమ్మడు ప్లాన్ వేస్తోందని తెలుస్తోంది. ఈ క్రమంలో భర్త చేత ప్రొడక్షన్ కంపెనీని నెలకొల్పించే ఆలోచన చేస్తోందని అంటున్నారు. తమ బ్యానర్ ద్వారా ముందుగా చిన్న బడ్జెట్ చిత్రాలు నిర్మిస్తూ.. కొత్త నటీనటులను పరిచయం చేయాలని ఈ దంపతులు ప్రణాళికలు వేస్తున్నారట.

అలాగే, ఓటీటీ సంస్థలకు కూడా వెబ్ సీరీస్ వంటి కంటెంట్ సమకూర్చాలని ఆలోచిస్తున్నారని సమాచారం. మొత్తానికి కాజల్ తన భర్తని కూడా ఇదే ఫీల్డులో కొనసాగించాలని చూస్తోందన్నమాట!