ఆమె మా అమ్మ కాదు: క్లారిటీ ఇచ్చిన చిరంజీవి

చిరంజీవి తల్లి అంజనాదేవి కూడా కరోనాపై పోరులో తాను సైతం అంటున్నారని... తన స్నేహితురాళ్లతో కలిసి 700 మాస్కులు కుట్టారంటూ వార్తలు వైరల్ అయిన సంగతి తెలిసిందే. ఈ వార్త తెలిసి ప్రతి ఒక్కరూ సంభ్రమాశ్చర్యాలకు లోనయ్యారు. అయితే దీనిపై చిరంజీవి క్లారిటీ ఇచ్చారు.

మానవతా ధృక్పధంతో తన తల్లి ఈ పని చేశారంటూ వార్తా చానళ్లలో వచ్చిందని... అయితే ఆమె తన తల్లి కాదని చిరంజీవి తెలిపారు. ఆమె ఎవరైనా... ఇంత గొప్ప కార్యక్రమంలో భాగస్వామి అయినందుకు మనస్పూర్తిగా ధన్యవాదాలు చెబుతున్నానని చెప్పారు. కమ్మనైన మనసున్న ప్రతి తల్లి అమ్మేనంటూ ట్వీట్ చేశారు.