ఆ 20 మంది నిర్మాతలపై కఠిన చర్యలు తీసుకుంటాం: విశాల్

తమిళ సినీ నిర్మాతల మండలిలో వర్గ విభేదాలు కలకలం రేపుతున్నాయి. మండలి అధ్యక్షుడు, హీరో విశాల్ కు వ్యతిరేకంగా మరోవర్గం... మండలి కార్యాలయానికి తాళం వేసిన సంగతి తెలిసిందే. వీటన్నింటి నేపథ్యంలో విశాల్ ను పోలీసులు అదుపులోకి కూడా తీసుకున్నారు.

ఈ నేపథ్యంలో, కార్యాలయానికి తాళం వేసిన 20 మందికి పైగా నిర్మాతలపై కఠిన చర్యలు తీసుకుంటామని విశాల్ స్పష్టం చేశాడు. చెన్నైలో నిర్మాతల మండలి కార్యాలయంలో విశాల్ అధ్యక్షతన సమావేశం జరిగింది. ఈ సమావేశంలో కార్యవర్గసభ్యులంతా పాల్గొన్నారు. కార్యాలయానికి తాళం వేసిన ఘటనను అందరూ ఖండించారు. కార్యాలయానికి తాళం వేసిన నిర్మాతల జాబితా తయారు చేసి, వారందరికీ నోటీసులు ఇవ్వాలని నిర్ణయించారు.